Davíð Smári: Miklar tilfinningar að keyra inn í bæinn

„Ég er ofboðslega ánægður með orkustigið og vinnusemina. Mér fannst við verjast vel þegar við þurftum að vera þéttir og við héldum vel í boltann þegar við þurftum að halda í boltann. Ég er heilt yfir gríðarlega ánægður með liðið."

Njarðvíkurliðið var rosalega orkumikið í kvöld, hvaðan kom orkan? 

„Við komum inn í þennan leik gegn gríðarlega sterkum andstæðingi og við ætluðum að vera duglegir, sýna sterka liðsheild og vera betra liðið og mér fannst við vera það í dag."

Davíð þjálfaði Vestra í þrjú tímabil og hann var að þjálfa í fyrsta sinn gegn gamla liðinu sínu. Hvernig var að þjálfa gegn gömlu félögunum?

„Miklar tilfinningar að keyra inn í bæinn og sjá allt fólkið sem studdi mann. Mér þykir gríðarlega vænt um þá leikmenn sem spiluðu fyrir mig í Vestra og hef hef ekkert nema góðar tilfinningar til Vestra."