Kristófer Ingi Kristinsson fór á kostum á Samsungvellinum Í Garðabæ í kvöld og skoraði þrennu. Kristófer byrjaði á bekknum en kom inn á þegar rúmar tuttugu mínútur voru eftir af leiknum.
„Já ég skoraði mörk í kvöld svo sannarlega."
Lestu um leikinn: Stjarnan 1 - 4 Breiðablik
„Við vorum flottir í dag, það vantaði bara að klára færin eins og í síðasta leik, sérstaklega til að byrja með og það var bara frábært að klára leikinn og koma til baka."
„Við sýnum bara að við erum með ógeðslega sterkan hóp og menn geta komið inn af bekknum og breytt leikjum."
Kristófer Ingi Kristinsson kom inn á og breytti svo sannarlega leiknum og skoraði þrennu í kvöld.
„Okkar vantar auðvitað mörk og bara biður mig um að gera mitt frammi og eiginlega ekkert sérstakt þannig"
„Við vissum bara að við þurfum að vinna leikinn, við þurftum að halda okkur í titilbaráttunni og fáranlega sterkt að klára þetta í dag."
Stuðningurinn sem Breiðablik fékk í kvöld var stórkostlegur.
„Þetta er alveg geggjað, við finnum klárlega fyrir stuðningnum, eins og þú heyrir, geggjaðir í dag og eiga hrós skilið fyrir hjálpa okkur að klára þetta."
