„Mér finnst við hafa komið sterkar út í fyrrihálfleikinn, en mér finnst þær mjög góðar sóknarlega svo við hefðum þurft koma í veg fyrir að þær nái að skapa sér tækifæri, þær fengu of margar hornspyrnur svo þær náðu að nýta sína styrkleika. Við hefðum getað spilað betur" sagði Linli Tu leikmaður Fjarðarbyggðar/Hattar/Leiknis eftir 4-1 tap liðsins gegn FH í 12. umferð Lengjudeildar kvenna.
Lestu um leikinn: FH 4 - 1 Fjarðab/Höttur/Leiknir
Linli var spurð að því hvað hefði vantað upp til þess að sigra leikinn í kvöld,
„Ég held að varnarlega þá þurfum við vera betri, mér fannst FH agressífari en við og vinna fyrsta og annan bolta", sagði Linli
Fjarðarbyggð/Höttur/Leiknir eru nýliðar í Lengjudeildinni í ár og eru í 5. sæti deildarinnar, Linli var spurð af því hvernig henni hafi fundist mótið ganga fram að þessu og hún hefur trú á því að liðið geti enn unnið sér sæti í Bestu deild kvenna á næsta ári.
Linli verður ekki með í næsta leik Fjarðarbyggðar/Hattar/Leiknis þegar liðið mætir Grindavík í Fjarðarbyggðarhöllinni þar sem hún er á leið til Bandaríkjanna að spila með Kínverska landsliðinu.
Viðtalið í heild sinni má sjá í spilaranum hér að ofan.
