KFA mætti Selfoss í úrslitum Fótbolta.net bikarsins fyrr í kvöld. Selfyssingar höfðu betur eftir framlengdan leik. Spilandi þjálfari KFA, Eggert Gunnþór mætti í viðtal eftir leik.
Lestu um leikinn: Selfoss 3 - 1 KFA
„Þetta eru svekkelsi. Mér fannst við vera með yfirhöndina heilt yfir allan leikinn. Sköpuðum fleiri færi.
Það er upplifun mín eftir þetta. Gríðarlega svekkjandi að komast yfir og missa þetta svona niður."
„Á öðrum degi hefðum við getað skorað 5-6 mörk en hrós á Selfoss. Þeir spiluðu þennan leik agaðan og vel, eins og þeir hafa gert í allt sumar."
„Þetta er partur af því að læra eitthvað. Menn þurfa að taka það jákvæða úr þessu ef það er hægt. Og reyna bæta sig fyrir næsta tímabil. Því það er svo sannarlega mikið sem býr í þessum hóp."
Viðtalið má sjá í heild sinni í spilaranum hér að ofan.
Athugasemdir
