Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   þri 27. október 2020 16:06
Magnús Már Einarsson
Byrjunarlið Íslands: Hlín inn - Sara slær leikjamet
Icelandair
Sara Björk slær leikjametið í dag.
Sara Björk slær leikjametið í dag.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Jón Þór Hauksson, landsliðsþjálfari Íslands, hefur tilkynnt byrjunarliðið fyrir stórleikinn gegn Svíum í Stokkhólmi klukkan 17:30.

Ísland og Svíþjóð gerðu jafntefli í síðasta mánuði og eru jöfn í efsta sæti riðilsins. Efsta liðið fer á EM en næstefsta liðið fer líklega í umspil.

Dagný Brynjarsdóttir er meidd og dettur úr byrjunarliðinu frá því í fyrri leiknum gegn Svíum. Hlín Eiríksdóttir kemur inn í liðið. Hlín byrjar á hægri kantinum en Karolína Lea Vilhjálmsdóttir fer af kantinum á miðjuna.

Hallbera Guðný Gísladóttir hefur verið að glíma við meiðsli en hún er klár í slaginn og byrjar í vinstri bakverði.

Sara BJörk Gunnarsdóttir, landsliðsfyrirliði, bætir leikjamet landsliðsins í dag en hún spilar sinn 134. landsleik. Katrín Jónsdóttir átti fyrra metið en hún spilaði 133 landsleiki á ferlinum.

Smelltu hér til að sjá beina textalýsingu

Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner