Láki: Erum í góðri stöðu í dag og fögnum því

Stjarnan vann Val með tveimur mörkum gegn engu, en Danka Podovac og Megan Manthey skoruðu mörk gestanna sem eru nú með fullt hús stiga eftir fimm umferðir á meðan Valur er tíu stigum á eftir þeim.

,,Já bara eins og allir leikir, það eru allir leikir erfiðir. Þessir var mjög erfiður og Valsstúlkur spiluðu mjög vel í dag og þó svo við höfum fengið aðeins fleiri færi þá var maður aldrei rólegur og þær eru gríðarlega hættulegar í uppsettum atriðum en þetta var sanngjarn sigur,\" sagði Láki.

,,Þetta var aldrei steindautt, þetta var frábær leikur. Valur varð að vinna til þess að komast inn í mótið og nú eru tíu stig á milli liðanna. Við fórum upp á Hlíðarenda með lið sem var að berjast upp á líf og dauða og tókum þrjú stig.\"

,,Þetta var mjög köflótt, við byrjuðum betur, svo tók Valur yfir og við undir lok fyrri hálfleiks. Þetta var svipað í seinni og ákvað ég að gera breytingar útaf því, þær tókust sem betur fer.\"

,,Ég held að út af því að mótið er spilað, níu leikir fyrir Evrópukeppni. Við erum í góðri stöðu í dag og fögnum því, en byrjum að undirbúa okkur fyrir næsta leik á morgun,\" sagði hann ennfremur.

Hægt er að sjá viðtalið í heild sinni hér að ofan.