Eysteinn Húni: Gefur ekki rétta mynd
Auglýsing
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Það er ekki oft sem maður kemur hingað og klárar 4-0," sagði Eysteinn Húni Hauksson annar þjálfara Keflavíkur eftir að hafa sótt þrjú góð stig gegn Víkingi í Ólafsvík í dag.
„Það gefur samt ekki rétta mynd af leiknum og mér fannst bæði lið lengi í gang enda stutt síðan þau spiluðu. Það var gott að fá mark í upphafi seinni hálfleik sem gaf tóninn. Þeir herjuðu á okkur eftir það en mér fannst við hafa ágætis tök á þessu."
„Við sáum þreytumerki í upphitun og byrjun leiks og við erum sérstaklega ánægðir að þeir skuli ná að vinna sig í gegnum það. Það eru ágætis skilaboð til okkar varðandi þroska, að gefa ekki eftir á móti þreytunni heldur stíga í gegnum hana. Við vorum ánægðir með leikinn í heild og þá sem tóku þátt í honum."
Viðtalið má sjá í sjónvarpinu að ofan.
„Við sáum þreytumerki í upphitun og byrjun leiks og við erum sérstaklega ánægðir að þeir skuli ná að vinna sig í gegnum það. Það eru ágætis skilaboð til okkar varðandi þroska, að gefa ekki eftir á móti þreytunni heldur stíga í gegnum hana. Við vorum ánægðir með leikinn í heild og þá sem tóku þátt í honum."
Viðtalið má sjá í sjónvarpinu að ofan.
