Byrjunarlið FH og ÍBV: Tvær breytingar FH - Enginn Sigurður Arnar hjá ÍBV

Jóhannes Karl Guðjónsson þjálfari FH gerir tvær breytingar á sínu byrjunarliði eftir 1-1 jafntefli við Þór í síðasta leik. Inn kemur Ísak Óli Ólafsson og ber bandið í dag. Einnig kemur Arngrímur Bjartur í liðið en Kristján Snær Frostason fer á bekkinn og Tobias Carlsson er utan hóps vegna meiðsla.

Aleksandar Linta þjálfari ÍBV gerir eina breytingu eftir góðan 2-1 sigur gegn Stjörnunni. Sú breyting er að Sigurður Arnar Magnússon er ekki með ÍBV í dag. Hann kláraði leikinn gegn Stjörnunni eftir að hafa fegnið mögulegan heilahristing rétt fyrir leikslok vegna þessa að ÍBV voru búnir með skiptingarnar sínar. Felix Örn Friðriksson tekur sæti í byrjunarliðinu.