Byrjunarlið Þórs og Vals: Þrír snúa aftur eftir bann - Sex breytingar

Siggi Höskulds, þjálfari Þórs, gerir þrjár breytingar á sínu liði frá leiknum gegn FH. Bjarni Guðjón Brynjólfsson og Christian Greko Jakobsen snúa aftur eftir leikbann og Sverrir Páll Ingason kemur sömuleiðis inn í liðið. Hermann Helgi Rúnarsson og Ingimar Arnar Kristjánsson taka sér sæti á bekknum en Kristófer Kató Friðriksson er ekki með í dag. Sigfús Fannar Gunnarsson snýr aftur á bekkinn en Atli Sigurjónsson er ekki með.

Hemmi Hreiðars, þjálfari Vals, gerir sömuleiðis þrjár breytingar frá leiknum gegn Keflavík. Lúkas Logi Heimisson snýr aftur eftir leikbann og þeir Markus Nakkim og Hörður Ingi Gunnarsson koma einnig inn í liðið. Kristján Oddur Kristjánsson, Jakob Franz Pálsson og Ólafur Flóki Stephensen taka sér sæti á bekknum. Adam Ægir Pálsson er áfram á varamannabekknum.