Landsleiknum frestað (Staðfest)
Snæviþakinn Laugardalsvöllur.
Mynd: KSÍ
Fundað var um möguleikann á því að færa leikinn inn í Kórinn.
Mynd: Fótbolti.net - Hafliði Breiðfjörð
Snæviþakinn Laugardalsvöllur.
Mynd: KSÍ
Landsleik Íslands og Norður-Írlands í umspili Þjóðadeildarinnar sem átti að fara fram í dag hefur verið frestað.
Í tilkynningu frá KSÍ kemur fram að UEFA hafi tekið ákvörðunina í samráði við KSÍ og knattspyrnusamband Norður-Írlands.
Leikurinn átti að hefjast klukkan 18:00 á Laugardalsvelli í kvöld en vegna mikillar snjókomu var metið sem svo að völlurinn væri óleikhæfur.
Hyggjast færa landsleikinn inn í Kórinn - „Ef ekki þá er morgundagurinn kannaður“
Eysteinn Pétur Lárusson, framkvæmdastjóri KSÍ, sagði í samtali við Fótbolta.net í morgun að hann ásamt fulltrúum KSÍ, UEFA og knattspyrnusambands Norður-Írlands funduðu í Kórnum nýverið um mögulega breytingu á leikstað. Hugsanlega ætti að færa leikinn inn í Kórinn, en niðurstaða fundarins varð sú að fresta leiknum.
Veðurspá morgundagsins er engu skárri ef litið er til úrkomu. Í tilkynningu KSÍ segir að verið sé að skoða stöðuna um framhaldið og má vænta tilkynningu frá sambandinu um leið og niðurstaða um framhaldið liggur fyrir.
Tilkynning KSÍ:
Ákveðið hefur verið að leikur A landsliðs kvenna við Norður-Írland, sem fara átti fram á Laugardalsvelli í dag, þriðjudag kl. 18:00, verði ekki leikinn í dag. Þessi ákvörðun er tekin af Knattspyrnusambandi Evrópu (UEFA), í samráði við KSÍ og Norður-írska knattspyrnusambandið (IFA).
Verið er að skoða stöðuna og framhaldið og mun KSÍ birta tilkynningu þess efnis á sínum miðlum um leið og niðurstaða liggur fyrir.
Fundað var um möguleikann á því að færa leikinn inn í Kórinn.
Mynd: Fótbolti.net - Hafliði Breiðfjörð
