Miðjumaðurinn Emile Smith Rowe hjá Arsenal hefur gengist undir aðgerð vegna nárameiðsla sinna og félagið vonast til þess að hann snúi aftur til æfinga í desember.
Meiðslin hafa verið að gera honum erfitt fyrir og hann hefur aðeins komið við sögu í fjórum leikjum á tímabilinu, í öll skiptin sem varamaður.
Meiðslin hafa verið að gera honum erfitt fyrir og hann hefur aðeins komið við sögu í fjórum leikjum á tímabilinu, í öll skiptin sem varamaður.
Í tapleiknum gegn Manchester United þann 4. september ágerðust meiðslin enn frekar. Þá tók læknalið félagsins þá ákvörðun að hann færi í aðgerð.
Aðgerðin var framkvæmd í vikunni og Smith Rowe er í endurhæfingarferli.
Smith Rowe er 22 ára og hefur leikið þrjá A-landsleiki fyrir England og skorað eitt mark. Hann átti sér drauma um að vera í HM hóp Englands en þessi meiðsli gera út um þá.
Athugasemdir
