Bosníski múrinn ein bestu kaup tímabilsins

Nú, þremur mánuðum eftir að hann skrifaði undir fimm ára samning, er farið að ræða um hversu lengi Leeds geti haldið honum innan sinna raða. Frammistaða hans hefur verið svo öflug síðan hann kom til félagsins en hann var einnig þrusugóður á HM með Bosníu og Hersegóvínu.

„Muharemovic hefur staðið sig svo vel að önnur félög eru eflaust nú þegar farin að fylgjast með honum,“ segir Lucy Ward, fyrrverandi sóknarmaður Leeds United.

Slúðurmiðlar segja að félög á borð við Barcelona, ??Liverpool, Bayern München og Inter sýni Muharemovic áhuga. Hann hefur hlotið mikið lof fyrir kraftmikinn varnarleik sinn og styrk í loftinu, bæði í vörn og sókn.

Stuðningsmennirnir hafa tekið ástfóstri við hann og kalla hann „Bosníska múrinn“. Hann hefur átt þátt í því að Leeds er með næststerkustu vörnina í ensku úrvalsdeildinni, á eftir ríkjandi meisturum Arsenal.

„Muharemovic er kannski ekki fullmótaður leikmaður ennþá, en verður nafn hans nefnt þegar rætt verður um bestu kaup tímabilsins í ensku úrvalsdeildinni?" skrifar Neil Johnston, fréttamaður BBC.