Eberechi Eze lék á laugardag sinn fyrsta úrvalsdeildarleik á tímabilinu en hann kom inn sem varamaður hjá Crystal Palace í 1-2 tapleik gegn Aston Villa þegar hálftími var eftir.

Eze sleit hásin á æfingu í maí og hefur verið lengi frá. Stuðningsmenn Palace glöddust mikið yfir því að sjá þennan skemmtilega sóknarmiðjumann aftur á vellinum.

„Hann er í uppáhaldi hjá stuðningsmönnum og hefur verið að vinna virkilega vel. En við vitum að þegar leikmaður er frá í sjö mánuði þá mun taka hann tíma að ná sínu besta fram," segir Patrick Vieira, stjóri Palace.

„Hann lítur betur út með hverri viku og það er góð þróun. En við ættum ekki að búast við miklu frá honum þessa fyrstu tvo mánuði eftir endurkomuna. Það er gott að fá hann aftur út á völlinn en það þarf að sýna þolinmæði."

Palace er í ellefta sæti en liðið heimsækir Leeds annað kvöld.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit