„Í lokin hendum við öllu fram. Í bikarnum er það þannig að markatala skiptir engu og við reyndum að knýja fram framlengingu og við reyndum það. Settum kannski full mikin sóknarþunga í lokin og fengum það í bakið,“ sagði Magnús Már Einarsson, þjálfari Aftureldingar eftir 6-2 tap sinna manna í 16-liða úrslitum Mjólkurbikarsins gegn HK í kórnum í kvöld.
Lestu um leikinn: HK 6 - 2 Afturelding
„Við erum almennt sterkir í föstum leikatriðum svo það voru vonbrigði að sjá þessi tvö. Svo voru nátturulega sjaldséð mistök á miðjunni sem kosta mark. Það er eitthvað sem þarf að bæta og gera betur í deildinni,“ sagði hann spurður um mörkin sem Afturelding fékk á sig í fyrri hluta leiks.
„Við byrjum á að taka nokkra daga frí um helgina. Strákarnir eru búnir að spila mikið af leikjum og eiga skilið að fá smá frí til að jafna sig.“
Athugasemdir
