Lið Jóhanns tapaði öðrum leiknum í röð
Jóhann Berg Guðmundsson og félagar hans í Al Orubah beið lægri hlut gegn Al Okhdood, 4-0, í sádi arabísku úrvalsdeildinni í kvöld.
Landsliðsmaðurinn lék allan leikinn í liði Al Orubah sem var að tapa öðrum deildarleik sínum í röð.
Al Orubah, sem er nýliði í deildinni, hefur annars byrjað þokkalega í deildinni og sótt tíu stig í níu leikjum, en tapið í kvöld heldur stórt miðað við stöðu liðanna í deildinni.
Staðan er þannig að Al Orubah er í 12. sæti með 10 stig en Al Okhdood í 13. sæti með 8 stig.
Milos Milojevic og lærisveinar hans í Al Wasl gerðu 2-2 jafntefli við Al Jazira í úrvalsdeildinni í sameinuðu arabísku furstadæmunum. Al Wasl varð deildarmeistari á síðasta ári, en hefur aðeins náð í níu stig úr fyrstu sjö leikjum í byrjun tímabilsins og er níu stigum frá toppnum.
Athugasemdir
