Eiður smári Guðjohnsen.
Þær sögusagnir fóru á flug að skyndilega væri óvissa um hvort Hermann Hreiðarsson tæki við Val eftir að Túfa var látinn taka pokann sinn. Það virtist aðeins eftir að klára fomsatriði um að Hermann tæki við en orðrómur fór af stað um að staðan hefði skyndilega breyst bak við tjöldin á Hlíðarenda.
Fótbolti.net hafði fengið sent að Eiður Smári Guðjohnsen væri allt í einu inni í myndinni og að Valur hafi rætt við hann. 433.is greindi frá því í hádeginu að samkvæmt sínum heimildum væri óvissa varðandi Hermann og Eiður væri möguleiki.
Fótbolti.net hafði fengið sent að Eiður Smári Guðjohnsen væri allt í einu inni í myndinni og að Valur hafi rætt við hann. 433.is greindi frá því í hádeginu að samkvæmt sínum heimildum væri óvissa varðandi Hermann og Eiður væri möguleiki.
Eiður Smári hefur ekki verið í þjálfun frá því að hann var hjá FH tímabilið 2022 en hann er fyrrum aðstoðarlandsliðsþjálfari. Það þarf ekki að kynna leikmannaferil hans fyrir lesendum.
En samkvæmt þeim upplýsingum sem Fótbolti.net hefur fengið stefnir hinsvegar áfram allt í það að Hermann verði næsti þjálfari Valsmanna.
HK hefur verið að ræða við þjálfara eftir að Hermann hafði fengið leyfi til að fara í viðræður við Val. Undir stjórn Hermanns komst HK í úrslitaleik umspils Lengjudeildarinnar en fékk þar skell gegn Keflavík og missti af sæti í Bestu deildinni.
Fréttin hefur verið uppfærð
Hermann Hreiðarsson.
Athugasemdir
