Hluta af aukaefninu má sjá hér að neðan en þar ræða landsliðsmenn um breytingar sem urðu eftir að Heimir Hallgrímsson og Lars Lagerback tóku við árið 2012.

Árangur íslenska landsliðsins hefur verið magnaður síðan þá en umgjörðin í kringum liðið hefur einnig batnað til muna.

„Þegar þeir komu var ákveðið að þetta djók landslið yrði ekkert djók lengur. Það verða engir skandalar, fyllerí og bull. Við erum komnir hingað til að vinna. Ég man alltaf að Heimir sagði að við ætlum að gera þetta landslið vinsælt," sagði Ragnar Sigurðsson í brotinu hér að ofan.

Meira um DVD diskinn - „Jökullinn logar"
„Eftir tveggja ára tökur með landsliðinu í knattspyrnu stóðum við uppi með 200-300 klst af myndefni. Eftir gríðarlega klippivinnu sem Sævar Guðmundsson og Úlfur Teitur Traustason báru hitann og þungan af stóð fyrsta útgáfa af kvikmyndinni Inside a Volcano / Jökullinn logar í fjórum og hálfri klukkustund," segir Sölvi Tryggvason, sem fylgdi strákunum í gegnum undankeppnina, á Facebook-síðu sinni.
„Til þess að allar þessar myndir, töku- og klippivinna, færu ekki algjörlega í súginn var bara einn kostur í stöðunni - en það var að koma þessu á DVD. Þar eru margar sögur sem sem einfaldlega verða að vera til, fyrir utan þá staðreynd að við erum enn að reyna að koma myndinni réttum megin við núllið."

Klippan hér að ofan er meðal þess efnis sem finna má sem aukaefni á DVD-disknum.

Sjá einnig:
Eiður Smári náði að bregða landsliðsmönnum
Elmari skipað í klippingu og á djammið
Eiður Smári: Felldi tár og hringdi í mömmu
Raggi Sig: Verð pirraður að horfa á fótbolta
Raggi Sig: Var alltaf
að atast í van Persie
Aron lýsir atburðarásinni eftir viðtalið í Albaníu