Cardiff getur komist upp í ensku úrvalsdeildina í fyrsta skipti í sögunni ef liðið vinnur eða gerir jafntefli gegn Charlton í kvöld.
Cardiff kemst einnig upp ef Watford, sem er í þriðja sæti í Championship deildinni, misstígur sig gegn Millwall.
Cardiff kemst einnig upp ef Watford, sem er í þriðja sæti í Championship deildinni, misstígur sig gegn Millwall.
Þegar fjórar umferðir eru eftir af deildinni er Cardiff með sex stiga forskot á Hull í öðru sætinu en liðið hefur verið í toppsætinu í nánast allan vetur.
Aron Einar Gunnarsson verður væntanlega í eldlínunni með Cardiff í kvöld en Heiðar Helguson verður ekki með vegna meiðsla sem hann varð fyrir í sigrinum á Nottingham Forest um síðustu helgi.
„Við þurfum eitt stig í viðbót eða vona að Watford misstigi sig á leiðinni. Vonandi náum við að klára þetta á morgun (í dag) og þá getum við einbeitt okkur að því að vinna deildina," sagði Heiðar í viðtali á Fótbolta.net í gær.
Athugasemdir