Þegar fjórar umferðir eru eftir af deildinni er Cardiff með sex stiga forskot á Hull í öðru sætinu en liðið hefur verið í toppsætinu í nánast allan vetur.

Aron Einar Gunnarsson verður væntanlega í eldlínunni með Cardiff í kvöld en Heiðar Helguson verður ekki með vegna meiðsla sem hann varð fyrir í sigrinum á Nottingham Forest um síðustu helgi.

„Við þurfum eitt stig í viðbót eða vona að Watford misstigi sig á leiðinni. Vonandi náum við að klára þetta á morgun (í dag) og þá getum við einbeitt okkur að því að vinna deildina," sagði Heiðar í viðtali á Fótbolta.net í gær.