Birmingham er í viðræðum við Gary Rowett um endurkomu til félagsins.
Tony Mowbray tók við Birmingham fyrr á tímabilinu en hann er í veikindaleyfi.
Birmingham hefur bara tekið eitt stig í sex leikjum undir stjórn aðstoðarþjálfarans Mark Venus og er staðan hjá liðinu alls ekki góð.
Hættan á falli niður í C-deild blasir við Birmingham og hefur félagið ákveðið að grípa í taumana áður en það verður um of seint. Félagið vonast til að ráða Rowett til bráðabirgða út tímabilið.
Rowett er með mikla reynslu úr Championship-deildinni en hann var síðast hjá Millwall í fjögur ár. Rowett þekkir vel til hjá Birmingham eftir að hafa stýrt liðinu frá 2014 til 2016.
Birmingham er sem stendur fyrir ofan fallsvæðið á markatölu.
Athugasemdir