Það var dregið í enska deildabikarnum, Carabao Cup, strax eftir síðasta leik í 32-liða úrslitunum í kvöld.
Það er ekki annað hægt að segja en að stærsti leikurinn sé á milli Chelsea og Everton á Stamford Bridge.
Núverandi deildabikarmeistarar í Manchester United heimsækja Swansea og Manchester City og Arsenal fá heimaleiki gegn liðum úr Championship-deildinni. Arsenal mætir Norwich og City spilar gegn Wolves á Etihad-leikvanginum.
Hörður Björgvin Magnússon og félagar hans í Bristol City mæta öðru úrvalsdeildarliði, Crystal Palace. Bristol vann Stoke í gær.
Tottenham mætir síðan West Ham í Lundúnaslag, Leicester fær Leeds í heimsókn og Bournemouth og Middlesbrough mætast.
16-liða úrslitin:
Tottenham - West Ham
Bristol City - Crystal Palace
Swansea - Manchester United
Arsenal - Norwich
Chelsea - Everton
Manchester City - Wolves
Leicester - Leeds
Bournemouth - Middlesbrough
Athugasemdir