Hlutirnir gerast oft hratt í boltanum. Daniel Storey hjá Football 365 setti saman skemmtilegan topp tíu lista yfir leikmenn í ensku úrvalsdeildinni sem voru hátt skrifaðir en hafa verið í nánast frjálsu falli.
10) Matt Jarvis - West Ham: Lék sinn eina landsleik fyrir England fyrir fjórum árum. Var keyptur til West Ham fyrir metfé hjá félaginu en hefur byrjað einn úrvalsdeildarleik síðan í apríl.
9) Simon Mignolet - Liverpool: Væri hærra á listanum ef Brad Jones hefði ekki meiðst og Brendan Rodgers þurfti að setja Belgann aftur í markið. Rodgers lýsti Símoni sem einum besta markverði ensku deildarinnar þegar hann kom til Liverpool en er nú orðinn skotspónn fyrir grín.
8) Robert Huth - Stoke City: Á tvær gullmedalíur úr ensku úrvalsdeildinni og hefur spilað á HM. Er þrítugur og ætti að vera á hátindi ferilsins en er orðaður við lið í Championship-deildinni.
7) Eduardo Vargas - QPR: Var einn mest spennandi leikmaður Suður-Ameríku. Napoli keypti hann fyrir háar fjárhæðir en síðan hefur allt verið á niðurleið. Er nú með QPR í fallbaráttunni og gerir lítið gagn.
6) Andre Schurrle - Chelsea: Á stórleik af og til en virðist alls ekki passa í áætlanir Chelsea þar sem hann hefur verið í algjöru aukahlutverki á tímabilinu. Dagar hans hjá Chelsea verða brátt taldir.
5) Hatem Ben Arfa - Newcastle: Með magnaða hæfileika en það er ekki alltaf nóg. Er latur og ófagmannlegur. Er kominn hálfa leið til Nice í Frakklandi en vegna reglna FIFA hefur hann ekki fengið grænt ljós á skiptin.
4) Rio Ferdinand - QPR: Vissulega er aldurinn búinn að færast yfir Rio en fáir bjuggust við svona hröðu hrapi. Harry Redknapp sagði að samningurinn við Rio væri risastór fyrir QPR, hann myndi færa liðinu mikil gæði og reynslu. Bekkjarseta hefur verið hans helsta hlutverk.
3) Emmanuel Adebayor - Tottenham: Tankurinn er svo gott sem tómur og Adebayor er afar neðarlega á vinsældarlista stuðningsmanna Spurs.
2) Tom Cleverley - Manchester United: Er á láni hjá Aston Villa þar sem hann hefur afar lítið látið til sín taka og stuðningsmenn fögnuðu þegar hann var tekinn af velli á dögunum. Var ofpeppaður í enskum fjölmiðlum á sínum tíma og sagði sjálfur í viðtali að vinna sín á vellinum væri ekki metin að verðleikum.
Athugasemdir