MIðjumaðurinn Stefán Teitur Þórðarson hefur verið kallaður inn í íslenska landsliðshópinn fyrir leikinn gegn Úkraínu á þriðjudag en þetta kemur fram í tilkynningu frá knattspyrnusambandi Íslands.
Arnór Ingvi Traustason meiddist í 4-1 sigrinum á Ísrael í undanúrslitum EM-umspilsins í kvöld og er tæpur fyrir síðari leikinn en þá meiddist Arnór Sigurðsson einnig eftir ljóta tæklingu frá Roy Revivo.
Stefán Teitur hefur því verið kallaður inn í hópinn en hann hefur spilað vel með danska liðinu Silkeborg á þessu tímabili.
Skagamaðurinn spilaði sinn fyrsta A-landsleik í 1-0 sigri á Kanada fyrir fjórum árum en síðan þá hefur hann spilað átján leiki til viðbótar og skorað eitt mark.
Ísland mætir Úkraínu í úrslitum umspilsins á þriðjudag klukkan 19:45 en leikurinn fer fram á Tarczynski Arena Wroclaw í Wroclaw, Póllandi.
???????? Stefán Teitur Þórðarson kemur inn í hópinn fyrir leikinn gegn Úkraínu og telur hópurinn þá 25 leikmenn.#afturáem pic.twitter.com/VBtMuUrTN2
— Knattspyrnusambandið (@footballiceland) March 21, 2024
Athugasemdir