Brynjar Gauti í æfingaleik í vetur.
Fram vann frækinn 0-1 sigur á KR um helgina. Sigurinn var fyrsti útisigur liðsins frá tímabilinu 2022.
Fótbolti.net ræddi við Rúnar Kristinsson, þjálfara liðsins, eftir leikinn. Jannik Pohl og Brynjar Gauti Guðjónsson eru á meðal þeirra leikmanna sem glíma við meiðsli. Jannik lék með í fyrstu umferðinni en hefur misst af síðustu tveimur leikjum.
Fótbolti.net ræddi við Rúnar Kristinsson, þjálfara liðsins, eftir leikinn. Jannik Pohl og Brynjar Gauti Guðjónsson eru á meðal þeirra leikmanna sem glíma við meiðsli. Jannik lék með í fyrstu umferðinni en hefur misst af síðustu tveimur leikjum.
Lestu um leikinn: KR 0 - 1 Fram
„Það er óvíst með Jannik. Brynjar Gauti er ekki að æfa neitt núna (með okkur), er í ræktinni á fullu. Hlynur (Atli Magnússon) er byrjaður að æfa með liðinu, Aron Kári (Aðalsteinsson) er ennþá í ræktinni. Við erum að bíða eftir því að þessir leikmenn fari að koma og banka á dyrnar. Orri (Sigurjónsson) er nýbyrjaður að æfa, getur hugsanlega tekið eitthvað þátt í bikarleiknum í vikunni."
„Þetta eru eldri strákar, reynslumiklir og geta hjálpað okkur mikið," sagði Rúnar.
Framundan hjá Fram er leikur gegn Árbæ í 32-liða úrslitum Mjólkurbikarsins. Sá leikur fer fram á fimmtudaginn í Þróttheimum.
Ætlaru að gera 11 breytingar á liðinu?
„Nei, alls ekki. Við þurfum að taka þeim leik mjög alvarlega. Auðvitað gerum við einhverjar breytingar, ég þarf að hvíla menn, gefa öðrum séns og halda öllum á tánum," sagði þjálfarinn.
Athugasemdir
