Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24397 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Afturelding komst eins og allir vita upp úr Lengjudeildinni síðasta sumar og er í Bestu deildinni þetta sumarið. Fjórir leikmenn sem voru í leikmannahópi liðsins á síðasta tímabili hafa fengið félagaskipti í Álafoss sem er mosfellskt félag sem spilar í 5. deild.
Þengill Orrason er genginn til liðs við Fjölni á láni frá Fram, en hann mun koma til móts við hópinn í næsta mánuði.
ÍR-ingar hafa nælt sér í færeyska miðjumanninn Gund Ellingsgaard Petersen en hann kemur til félagsins frá ÍF í Færeyjum.
Víkingur hefur styrkt sig fyrir áframhaldandi átök í Bestu deild kvenna en Júlía Ruth Thasaphong er komin til félagsins frá Grindavík.
Vestri hefur náð samkomulagi við FH um að fá Arnór Borg Guðjohnsen á láni út tímabilið og fær þá einnig forkaupsrétt á leikmanninum. Þetta kemur fram í tilkynningu frá félaginu.
Framarar fundu markvörð undir lok félagaskiptagluggans og aftur leitaði félagið til Leiknis en Bjarki Arnaldarson er genginn í raðir Fram á láni og er kominn með leikheimild.
Fjölnismenn hafa sótt miðvörðinn öfluga Einar Örn Harðarson frá Þrótti V.
Markvörðurinn Sveinn Sigurður Jóhannesson hefur fengið félagaskipti í Val eftir að hafa eytt síðasta árinu hjá Vestra. Hann er að jafna sig eftir erfið meiðsli.
Dansk-íraski vængmaðurinn Ali Al-Mosawe hefur samið við Víking R. en hann kemur til félagsins frá Hilleröd í Danmörku. Kaupverðið kemur ekki fram.
Leiknismenn halda áfram að styrkja sig fyrir gluggalok en félagið hefur fengið Hilmar Örn Pétursson á láni frá Þrótti R.
Sænski miðjumaðurinn Lucas Bergvall hefur framlengt samning sinn við enska úrvalsdeildarfélagið Tottenham til 2031.
Elvar Máni Guðmundsson, Guðmundur Rafn Ingason og Henrik Máni B. Hilmarsson eru gengnir til liðs við KFG á láni frá Stjörnunni og komnir með leikheimild fyrir fyrsta leik liðsins.
Fylkir hefur landað framherjanum efnilega Helber Josua Catano frá Val.
Anna Björk Kristjánsdóttir hefur fengið félagaskipti í KR en hún kemur frá Val. Hún er að snúa aftur á völlinn eftir barnseign. Hún er 35 ára miðvörður sem á að baki 43 landsleiki. Anna Björk er uppalin hjá KR, lék sinn fyrsta leik í Landsbankadeildinni 2004 og lék með liðinu út tímabilið 2008 þegar hún fór í Stjörnuna. Hún var í Stjörnunni út tímabilið 2016 en fór þá erlendis í atvinnumennsku og var erlendis fram á sumarið 2023 ef frá er talið sumarið 2020 þegar hún var á Selfossi. Hún lék með Örebro og LB í Svíþjóð, PSV í Hollandi, Le Havre í Frakklandi og Inter Milan á Ítalíu.
Sigrún Eva Sigurðardóttir, sem hefur verið fyrirliði Aftureldingar, hefur fengið félagaskipti í uppeldisfélag sitt, ÍA. Hún mun því spila með ÍA í Lengjudeildinni í sumar en hún lék síðast fyrir félagið 2021.
Þór/KA hefur fengið liðsstyrk því Henríetta Ágústsdóttir er gengin í raðir félagsins á láni frá Stjörnunni. Henríetta verður tvítug eftir tæpan mánuð. Hún er miðjumaður sem uppalin er hjá HK en skipti yfir í Stjörnuna fyrir síðasta tímabil. Hún lenti í slæmum meiðslum árið 2023 og missti af því tímabili. Á síðasta tímabili kom hún við sögu í öllum deildarleikjum Stjörnunnar og skoraði eitt mark. Hún kom við sögu í fyrstu tveimur leikjum Stjörnunnar í ár en var ónotaður varamaður í sigrinum gegn Tindastóli á sunnudag.
Breiðablik hefur fengið unglingalandsliðskonuna Ölmu Rós Magnúsdóttir í sínar raðir frá Keflavík. Alma Rós er fædd árið 2008 og er gríðarlega efnilegur leikmaður en hún spilaði tíu leiki þegar Keflavík féll úr Bestu deild kvenna í fyrra. Sumarið áður spilaði hún 13 leiki í Bestu deildinni.
Sóknarmaðurinn Snædís María Jörundsdóttir er gengin í raðir Stjörnunnar eftir eitt og hálft tímabil með FH í Hafnarfirði. Snædís María er fædd árið 2004 og er uppalin hjá Stjörnunni. Hún lék sína fyrstu meistaraflokksleiki árið 2019 og á alls að baki 102 KSÍ leiki og 18 mörk. Hún skoraði fimm mörk í 20 leikjum með FH í Bestu deildinni í fyrra.
Landsliðsmarkmaðurinn Telma Ívarsdóttir er komin heim til Breiðabliks frá Rangers en Fótbolti.net fjallaði um yfirvofandi skipti hennar um liðna helgi. Telma varð Íslandsmeistari með Blikum í fyrra, vann Gullhanskan og í vetur samdi hún við skoska félagið Rangers. Hún fær leikheimild á morgun og má því ekki spila gegn Fram í 3. umferð Bestu deildarinnar í dag. Hún verður hjá Blikum í tvo mánuði og snýr svo aftur til Skotlands.
Völsungur hefur fengið liðsstyrk fyrir komandi átök í Lengjudeildinni en nýliðarnir hafa krækt í spænskan miðjumann. Sá heitir Ismael Salmi Yagoub og hefur undanfarin ár spilað í neðri deildum Spánar. Hann er 24 ára og hafa Völsungar mikla trú á því að hann muni hjálpa liðinu í sumar.