Fram sækir annan markvörð frá Leikni (Staðfest)
Framarar eru búnir að finna markvörð
Mynd: Jónína Guðbjörg Guðbjartsdóttir
Framarar eru búnir að finna markvörð
Mynd: Jónína Guðbjörg Guðbjartsdóttir
Framarar fundu markvörð undir lok félagaskiptagluggans og aftur leitaði félagið til Leiknis en Bjarki Arnaldarson er genginn í raðir Fram á láni og er kominn með leikheimild.
TENGT EFNI
Rúnar ræddi við Hannes: Þykir vænt um að hann hafi hugsað til mín
Ólafur Íshólm Ólafsson tilkynnti Frömurum á dögunum að hann vildi fara frá félaginu eftir að hann var settur á bekkinn gegn ÍBV og nokkrum dögum síðar samdi hann við Leikni.
Fram fór því strax í að leita að markverði í stað hans. Sigurður Hrannar Björnsson, formaður meistaraflokksráðs hjá Fram, ákvað að fá félagaskipti aftur í félagið — svona ef allt færi á versta veg —en Framarar náðu að finna lausn á vandamálinu.
Bjarki Arnaldarson er kominn á láni frá Leikni og verður hann annar markvörðurinn sem Fram sækir frá Leikni á síðasta árinu, en Viktor Freyr Sigurðsson kom til félagsins eftir síðasta tímabil og er nú orðinn aðalmarkvörður.
Bjarki, sem er fæddur árið 2003, varði mark Leiknismanna á undirbúningstímabilinu og spilaði báða leiki liðsins í Mjólkurbikarnum.
Hann er kominn með leikheimild og því klár í slaginn þegar Fram mætir Víkingi R. á mánudag.
Fram fór því strax í að leita að markverði í stað hans. Sigurður Hrannar Björnsson, formaður meistaraflokksráðs hjá Fram, ákvað að fá félagaskipti aftur í félagið — svona ef allt færi á versta veg —en Framarar náðu að finna lausn á vandamálinu.
Bjarki Arnaldarson er kominn á láni frá Leikni og verður hann annar markvörðurinn sem Fram sækir frá Leikni á síðasta árinu, en Viktor Freyr Sigurðsson kom til félagsins eftir síðasta tímabil og er nú orðinn aðalmarkvörður.
Bjarki, sem er fæddur árið 2003, varði mark Leiknismanna á undirbúningstímabilinu og spilaði báða leiki liðsins í Mjólkurbikarnum.
Hann er kominn með leikheimild og því klár í slaginn þegar Fram mætir Víkingi R. á mánudag.
