sun 01. mars 2020 11:00
Ívan Guðjón Baldursson
Barcelona vill Aubameyang á frjálsri sölu
Powerade
Aubameyang getur farið frítt á næsta ári.
Aubameyang getur farið frítt á næsta ári.
Mynd: Getty Images
Holgate kostar 40 milljónir punda.
Holgate kostar 40 milljónir punda.
Mynd: Getty Images
Slúðurpakki dagsins er á sínum stað. Eins og vanalega er hann tekinn saman af BBC.


Barcelona fylgist náið með Pierre-Emerick Aubameyang, 30, sem rennur út á samningi eftir næsta tímabil. (Express)

Arsenal er reiðubúið til að greiða 42 milljónir punda til að fá Thomas Partey, 26, frá Atletico Madrid. (Mirror)

Atletico Madrid vill ráða Nuno Espirito Santo sem arftaka Diego Simeone ef argentínski þjálfarinn færir sig um set í sumar. Simeone er eftirsóttur af PSG. (Sun)

Cristiano Ronaldo, 35, segist vera ánægður hjá Juventus. Hann hafi engin áform um að ganga til liðs við Inter Miami í nánustu framtíð. (Sky Sports)

Manchester United er tilbúið til að bjóða Jack Grealish, 24, mikla launahækkun til að skipta um félag. Rauðu djöflarnir eru reiðubúnir til að borga miðjumanninum 150 þúsund pund í vikulaun. (Sun)

Chelsea, Liverpool, Man Utd og Tottenham fylgjast öll með tvítuga sóknarmanninum Jonathan David, sem er kominn með 23 mörk á tímabilinu. David er kanadískur og leikur með Gent í Belgíu. (Express)

Adam Lallana, 31, og Xherdan Shaqiri, 28, eru á förum frá Liverpool í sumar. (The Athletic)

Owen Hargreaves, fyrrum landsliðsmaður Englands, telur að Liverpool ætti að kaupa Abdoulaye Doucoure, 27 ára miðjumann Watford. (Daily Star)

Man City þarf að borga 40 milljónir punda til að kaupa Mason Holgate, 23, af Everton. (Football Insider)

Carlo Ancelotti hefur miklar mætur á Holgate og er tilbúinn til að bjóða honum nýjan samning til að halda honum frá Man City. (Sun)

Hinn 19 ára gamli Erling Braut Haaland er efstur á óskalista Real Madrid sem leitar sér að sóknarmanni. Félagið er ósátt með framlag Luka Jovic og Karim Benzema. (Marca)

Real Madrid hefur einnig áhuga á Timo Werner, 23 ára sóknarmanni RB Leipzig, en þarf að berjast við Liverpool til að ganga frá kaupum á honum. (Daily Mail)

Chris Wilder er ánægður með að John Fleck, 28, hafi skrifað undir nýjan samning við félagið. Fleck var eftirsóttur og hafði meðal annars verið orðaður við Arsenal. (Sheffield Star)

Tyrkneska félagið Trabzonspor hafnaði 11 milljón punda tilboði frá Sheffield í markvörðinn Ugurcan Cakir, 23 ára. (Sun)

Cakir hefur verið orðaður við Liverpool, Everton og Manchester United. Trabzonspor vill fá 30 milljónir evra fyrir markvörðinn öfluga. (Liverpool Echo)

Marcus Rashford, 22, býst við að vera búinn að ná sér af meiðslum fyrir lok tímabilsins. Hann vill spila síðustu leikina.
Athugasemdir
banner
banner
banner
banner