01.06.20 - 23:30
Ívan Guðjón Baldursson
Midtjylland sýndi leikinn á bílastæðinu
Mynd: Getty Images
Mynd: Getty Images
Danski boltinn er farinn af stað án áhorfenda og tapaði topplið Midtjylland óvænt gegn Horsens á heimavelli sínum í dag. Mikael Neville Andersson var í byrjunarliði heimamanna og spilaði fyrstu 58 mínúturnar.
Félagið var með sniðuga lausn á Covid-19 vandanum sem gerði stuðningsmönnum kleift að mæta á völlinn, eða bílastæðið öllu heldur, og horfa á leikinn.
Bílaplani Midtjylland var breytt í bílabíó. Komið var fyrir tveimur risaskjáum og gátu áhorfendur hlustað á lýsingu í útvarpi.
Pláss var fyrir rúmlega 2000 bíla á planinu. Þar að auki voru útprentaðar ljósmyndir af stuðningsmönnum á áhorfendapöllunum.
Mið-Jótlendingar eru með níu stiga forystu þrátt fyrir tapið. Ellefu umferðir eru eftir af danska deildartímabilinu.
Bílaplani Midtjylland var breytt í bílabíó. Komið var fyrir tveimur risaskjáum og gátu áhorfendur hlustað á lýsingu í útvarpi.
Pláss var fyrir rúmlega 2000 bíla á planinu. Þar að auki voru útprentaðar ljósmyndir af stuðningsmönnum á áhorfendapöllunum.
Mið-Jótlendingar eru með níu stiga forystu þrátt fyrir tapið. Ellefu umferðir eru eftir af danska deildartímabilinu.
