Yamal ekki ánægður með eigin frammistöðu á HM

Yamal hefur síðustu tvö ár verið valinn sem efnilegasti leikmaður heims á verðlaunahátíð Ballon d'Or, en nú vonast hann til að vinna aðalverðlaunin. Hann viðurkennir samt að hann sé ekki sáttur með eigin frammistöðu á HM í sumar, þar sem hann skoraði aðeins eitt mark og lagði ekkert upp er Spánn vann mótið.

„Fyrir hvaða annan leikmann sem er þá hefði frammistaðan mín á HM verið mjög góð, en ekki fyrir mig. Ég er ekki ánægður með hvernig ég spilaði. Ég verð að gera betur á næsta móti," segir Yamal.

„Það eru stórkostlegir leikmenn til í sögunni eins og Messi, Cristiano og Maradona en ég held að það hafi aldrei gerst áður að einhver var búinn að vinna svo mikið á mínum aldri. Kannski Pelé, en þetta hefur aldrei gerst áður í nútímafótbolta. Fólk heldur að ég ætli kannski að byrja að slaka á núna því ég er búinn að vinna svo mikið, en það er ekki rétt.

„Ég veit að ég þarf að gera þúsund hluti í viðbót til að vinna mér inn eilífðarsæti í fótboltasögunni."

19 ára gamall Yamal hefur þegar unnið EM, HM, La Liga og Copa del Rey á ferlinum.

TENGT EFNI14.09.26 - 20:00

Mourinho um Yamal: No comment