Lestu um leikinn: FH 6 -  5 Þór/KA

FH er komið áfram í 8-liða úrslitin eftir að hafa unnið Þór/KA í vítaspyrnukeppni í Kaplakrika.

„Liðin lögðu ótrúlega mikið í þennan leik en mér fannst við dálítið andlausar á köflum og skortir alltof mikil gæði alltof oft þannig að því miður var þetta ekki okkar dagur," sagði Andri við Fótbolta.net.

Hann gerði sjö breytingar á byrjunarliði sínu og gerði svo fjórar breytingar í hálfleik en hann segir þetta ekki hafa verið vanmat.

„Þétt spilað. Leikmenn þurfa hvíld og svo eru aðrar stelpur sem hafa unnið vel fyrir mínútum. Þær fengu þær í dag og það var ekkert vanmat eða slíkt eins og einhverjir hugsar. Þetta er bara það að rótera í liðinu, gefa mínútur og hvíla."

„Nei, þær eru furðu heilar. Það er vel hugsað um þær og þær hugsa vel um sig sjálfar. Það er aðallega þreytan sem er að koma í lappirnar á leikmönnum núna og svo erum við að fara á gras í fyrsta skiptið núna. Við erum búin að vera á gervigrasi heillengi en þetta er erfitt og gott að vera með stóran hóp til að gera breytingar."

Flestir leikmenn Þór/KA eru í góðu standi en það vantaði gæði á vellinum.

„Ég vil kannski fara voðalega djúpt í það en það eru móment þar sem við hefðum getað sett meiri kraft í 50-50 bolta og svo gæði út um víðan völl. Það var skortur á því."

„Standið og formið á liðinu er gott. Þær eru flest allar heilar og lítið um meiðsli. Við höfum verið að spila góða leiki og slæma leiki, við höfum unnið slæmu leikina en ekki náð að setja úrslitin í góðu leikina þannig vonandi getum við tengt þetta tvennt og tengt það í góða spilamennsku og góð úrslit," sagði hann í lokin.