Sardar Azmoun fer ekki á HM.
Íranski landsliðshópurinn fyrir HM var opinberaður í dag en þar vekur mesta athygli að sóknarmaðurinn Sardar Azmoun, sem spilar fyrir Shabab Al-Ahli í Sameinuðu arabísku furstadæmunum, er ekki valinn.
Azmoun hefur skorað 57 mörk í 91 leik fyrir þjóð sína en hann móðgaði íranska ráðamenn með því að birta mynd af sér með Mohammed bin Rashid Al Maktoum, forsætisráðherra Sameinuðu arabísku furstadæmanna.
Íranir hafa ráðist á innviði í Sameinuðu arabísku furstadæmunum í þeim átökum sem ríkja í Mið-Austurlöndum.
Azmoun hefur skorað 57 mörk í 91 leik fyrir þjóð sína en hann móðgaði íranska ráðamenn með því að birta mynd af sér með Mohammed bin Rashid Al Maktoum, forsætisráðherra Sameinuðu arabísku furstadæmanna.
Íranir hafa ráðist á innviði í Sameinuðu arabísku furstadæmunum í þeim átökum sem ríkja í Mið-Austurlöndum.
Íranska liðið mun dvelja í Mexíkó meðan HM stendur en Claudia Sheinbaum, forseti Mexíkó, segir að Bandaríkin hafi ekki viljað hýsa hópinn.
Íran á að mæta Nýja-Sjálandi þann 15. júní og Belgíu þann 21. júní, báðir leikir eiga að vera í Los Angeles, og mæta svo Egyptalandi í Seattle 26. júní.
Íranski HM hópurinn (leikmenn spila í heimalandinu nema annað sé tekið fram):
Markverðir: Alireza Beiranvand, Payam Niazmand, Hossein Hosseini
Varnarmenn: Ehsan Hajsafi, Milad Mohammadi, Ali Nemati, Shojae Khalilzadeh, Hossein Kanaanizadegan, Danial Eiri, Ramin Rezaeian, Saleh Hardani
Miðjumenn: Saman Ghoddos (Kalba, UAE), Saeid Ezatolahi (Shahab al-Ahli, UAE), Mohammad Ghorbani (Al-Wahda, UAE), Rouzbeh Cheshmi, Amirmohammad Razzaghinia, Mohammad Mohebi (Rostov, Rus), Mehdi Torabi, Mehdi Ghayedi (Al-Nasr, UAE), Alireza Jahanbakhsh, Aria Yousefi
Sóknarmenn: Mehdi Taremi (Olympiakos, Gre), Amirhossein Hosseinzadeh, Ali Alipour, Shahriyar Moghanlou (Kalba, UAE), Dennis Eckert (Dennis Dargahi, Standard Liege, Bel)
Allir 104 leikirnir á HM verða í beinni á RÚV.
Samfelldar útsendingar frá því síðdegis og fram á nótt.
Kvöldin verða geggjuð í sumar!
