5. deild: Skellur fyrir Stokkseyringa - Arilíus sá rautt

RB og Stokkseyri áttust við í eina leik kvöldsins í 5. deildinni og úr varð mikil markaveisla.

Heimamenn náðu forystunni snemma leiks í Reykjanesbæ þegar Leonardo Norbert Mitruscsak skoraði úr vítaspyrnu og átti hann eftir að skora annað mark skömmu fyrir leikhlé svo staðan var 3-1 fyrir heimamenn í hálfleik.

Leonardo fullkomnaði þrennu í upphafi síðari hálfleiks áður en Mustafa Troncoso Espinar setti fimmta mark heimamanna svo staðan var orðin 5-1 eftir rúma klukkustund.

Stokkseyringar gáfust ekki upp og minnkuðu muninn með tvennu frá Karli Jóhanni Einarssyni en hún dugði ekki til. Staðan var 5-3 og fékk Arilíus Marteinsson, suðurlandsins eina von, að líta sjaldgæft rautt spjald á 77. mínútu.

Tíu Stokkseyringum tókst ekki að minnka muninn frekar svo afar svekkjandi tap er niðurstaðan.

Stokkseyri er í öðru sæti eftir tapið, með 16 stig eftir 8 umferðir. Liðið er tveimur stigum á eftir toppliði Hamranna sem á leik til góða. RB er með 10 stig.