Liverpool reyndi að fá Gusto

Liverpool sendi Chelsea fyrirspurn um franska bakvörðinn Malo Gusto fyrr í dag.

Liverpool hafði áhuga á að fá Gusto á láni út tímabilið, en Chelsea var einungis reiðubúið að ræða varanlega sölu á Frakkanum.

Fabrice Hawkins greinir frá því að Liverpool hafi ekki getað gengið lengra í viðræðum um kaup á Gusto vegna hás verðmiða Chelsea og segir hann að félagið hafi ekki haft fjármuni til að festa kaup á bakverðinum.

Manchester City hafði sömuleiðis áhuga á Gusto fyrr í glugganum, en Chelsea setti verðmiðann á 75 milljónir punda.