Richarlison fer ekki til Everton en Grealish og Balogun eru á leiðinni

Sky Sports segir að Richarlison, sóknarmaður Tottenham, muni ekki ganga í raðir Everton á nýjan leik. Líklegra sé að hann muni fara til Sádi-Arabíu.

Everton er hinsvegar að fá Jack Grealish aftur frá Manchester City á láni út tímabilið. Grealish er í læknisskoðun hjá Everton.

Þá er bandaríski sóknarmaðurinn Folarin Balogun á leið frá Mónakó en Everton er að kaupa hann fyrir 40 milljónir punda. Hann er væntanlegur á æfingasvæði Everton mjög bráðlega.