„Var að æfa nákvæmlega þetta skot í gær“

„Mér fannst þetta nokkuð jafn leikur. Svo skorum við þetta mark í lokin en dekkningin klikkar í jöfnunarmarkinu þeirra sem var mjög svekkjandi, segir Ármann Ingi Finnbogason sem skoraði eina mark Víkings í 1-1 jafntefli liðsins gegn KR á Meistaravöllum fyrr í kvöld.

„Þetta var helvíti gott mark. Ég var búinn að æfa nákvæmlega þetta skot í gær og ég fæ það í dag og set hann,“ segir Ármann aðspurður um eigið mark.

Rúmlega 4300 manns sóttu Meistaravelli í dag. „Það er geðveikt að spila fyrir svona marga. Stuðningsmenn Víkings eru bara geggjaðir.“