Lið vikunnar í enska - Liverpool með tvo fulltrúa

Tom Heaton (Burnley) - Varði eins og berserkur þegar Burnley náði stigi á Old Trafford.

Kieran Gibbs (Arsenal) - Vinstri bakvörðurinn greip tækifærið og lék afar vel.

Michael Keane (Burnley) - Þessi 23 ára strákur kemur úr unglingastarfi Man Utd og gerði sínu fyrrum félagi grikk.

Eden Hazard (Chelsea) - Hefur átt feykilega gott tímabil og fór illa með Southampton.

Philippe Coutinho (Liverpool) - Lykilmaður á bak við markaskorun Liverpool á tímabilinu.

Gaston Ramirez (Middlesbrough) - Skoraði snilldarmark í sigri gegn Bournemouth.

Ilkay Gundogan (Manchester City) - Eftir meiðsli í upphafi tímabils er Gundogan heldur betur farinn að láta að sér kveða.

Alexis Sanchez (Arsenal) - Hefur leikið ákaflega vel sem sóknarmaður.

Sergio Aguero (Manchester City) - Sýnir það enn og aftur að hann er í hæsta klassa.

Romelu Lukaku (Everton) - Mark og stoðsending í 2-0 sigri gegn West Ham.

Joel Matip (Liverpool) - Hefur komið mörgum á óvart og er strax orðinn stór hlekkur hjá Púlurum.