Stebbi Gísla: Svona er fótboltinn

„Mér fannst spilamennskan góð, fyrri hálfleikur sérstaklega. Við spiluðum vel og sköpuðum fullt af færum, gefum lítið sem ekkert á okkur, en það vantaði bara að setja boltann í markið.\"

Leikmenn Gróttu mættu af krafti í seinni hálfleikinn og náðu að jafna stuttu eftir að dómarinn flautaði seinni hálfleikinn á.

„Þetta var sjálfsagt eitthvað einbeitingarleysi, við komum ekki klárir inn í seinni hálfleikinn,\" sagði Stefán í viðtali að leik loknum.

„Svona er fótboltinn, við hefðum tvö, þrjú núll yfir hálfleik og fótboltinn er þannig á meðan þú skorar ekki þá er hætta á að þér sé refsað.\"

Stefán tók við Haukum fyrir tímabilið eftir að hafa verið að þjálfa í yngri flokkum hjá Breiðabliki. Hann var spurður út í stökkið úr yngri flokkum í meistaraflokk.

„Þetta hefur verið skemmtilegt. Maður lærir fullt af hlutum í þessu og þetta hefur verið skemmtilegt.\"

Viðtalið má sjá í heild sinni í spilaranum hér að ofan.