Davíð Viðars: Sýndi þegar mikið var undir hjá KR hversu mikið býr í honum

„Það getur alveg verið að fáum inn fleiri, við erum að skoða það sem er í boði. Það kemur alveg klárlega til greina að við bætum meira við okkur," segir Davíð.

Tobias Carlsson verið óheppinn með meiðsli
Sænski miðvörðurinn Tobias Carlsson hefur ekki náð að festa sig í sessi hjá FH. Koma Olivers, þýðir hún að Tobias sé á förum?

„Nei, það er ekkert ákveðið. Við sáum möguleikann á því að fá Oliver inn, hann býr yfir ákveðnum eiginleikum sem við teljum að passi vel inn hjá okkur. Það er ekkert ákveðið með Tobias, hann er búinn að vera dálítið óheppinn með meiðsli og þegar hann hefur spilar, t.d. í fyrri hálfleiknum á móti Þór og gegn Breiðabliki, þá hefur hann sýnt að það býr mjög margt í honum. En það er kannski erfitt að ná því 100% fram þegar maður kemst ekki á skrið vegna meiðsla."

Guðmundur Andri að snúa til baka eftir meiðsli
Hvernig er heilsan á Guðmundi Andra og Oliver, gætu þeir spilað á morgun ef þeir væru með leikheimild?

„Oliver gæti spilað, hann er 100% heill og er að æfa á fullu. Það er svona vika í það að Guðmundur Andri eigi að vera orðinn klár í að fara á fullt. Ef ekkert óeðlilegt gerist þá verða þeir báðir til taks 20. júlí (gegn Breiðabliki) í fyrsta leik eftir að þeir fá leikheimild."

Andri getur leyst fremstu fjórar stöðurnar
Úlfur Ágúst Björnsson fer til Bandaríkjanna eftir u.þ.b. mánuð til að ljúka námi við Duke háskólann. Er Guðmundur Andri hugsaður í sömu stöðu?

„Mér finnst Andri geta leyst fjórar fremstu stöðurnar á vellinum. Hann er fenginn inn að hluta til sem möguleiki þegar Úlfur fer út. Hann getur líka spilað á báðum köntunum, getur leyst þau hlutverk mjög vel. Aðalatriðið með Guðmund Andra er núna að hjálpa honum af stað aftur, mér fannst hann sýna í úrslitakeppninni í fyrra þegar mikið var undir hjá KR hversu mikið býr í honum. Ég er alveg fullviss um að við munum hjálpa honum að komast aftur á þannig skrið og hann mun hjálpa okkur að sama skapi að komast vonandi á skrið," segir Davíð.