Sigurður Egill frá næstu vikurnar

Sigurður Egill Lárusson neyddist til að fara af velli vegna meiðsla snemma leiks í viðureign Þróttar og Vestra síðastliðinn laugardag.

Sigurður virtist sárþjáður þegar hann fór af velli. Eftir að hafa farið í myndatöku kom í ljós að hann hafi tognað á liðbandi í hnénu.

„Þetta er MCL tognun á innra liðbandi í hnénu. Ég verð frá næstu vikurnar,“ sagði Sigurður í samtali við Fótbolta.net fyrr í dag.