Byrjunarlið ÍA og Víkings: Fimm breytingar hjá gestunum

Aðeins ein breyting er á liði Skagamanna frá 5-1 sigrinum á Stjörnunni í síðustu umferð. Gísli Laxdal Unnarsson kemur inn fyrir Jón Gísla Eyland Gíslason.

Sölvi Geir Ottesen gerir fimm breytingar á liði Víkinga sem féll úr leik gegn Hapoel Beer Sheva í forkeppni Meistaradeildarinnar á dögunum.

Ögmundur Kristinsson tekur stöðu Arons Snæs Friðrikssonar í markinu. Þá koma Viktor Örlygur Andrason, Sveinn Margeir Hauksson, Ármann Ingi Finnbogason og Stígur Diljan Þórðarson allir inn í byrjunarliðið.

Óskar Borgþórsson, Daníel Hafsteinsson, Aron Elís Þrándarson og Tarik Ibrahimagic detta úr liðinu og eru ekki í leikmannahópnum. Óskar og Tarik verða frá keppni næstu mánuðina.

Víkingar geta náð níu stiga forskoti á toppnum með sigri en Skagamenn komast upp í efri hluta deildarinnar með þremur stigum.