Íslenska U21 landsliðið gjörsamlega rúllaði yfir Liechtenstein í undankeppni EM.
Strákarnir okkar gerðu út um viðureignina með þremur mörkum á fyrstu tíu mínútunum en létu sér það ekki nægja og var staðan orðin 8-0 í leikhlé. Atli Barkarson gerði níunda markið í síðari hálfleik og urðu lokatölur 9-0 í þessum stærsta sigri í sögu U21 landsliðsins.
Lestu um leikinn: Ísland U21 9 - 0 Liechtenstein U21
„Við spiluðum mjög vel og spiluðum hratt, spiluðum á milli lína eins og við ætluðum að gera og vorum snöggir að vinna boltann þegar við töpuðum honum. Við vorum bara allir on í dag og gerðum mjög vel." Sagði Róbert Orri Þorkelsson varnarmaður eftir leikinn í dag.
Leikurinn fór að mestu leiti fram á vallarhelmingi Liechtenstein svo það var ekki mikið í gangi fyrir varnarmenn Íslands í leiknum.
„Það er mikilvægt að halda fókus í svona leikjum og einbeitingin verður að vera í lagi en annars gekk þetta bara mjög vel."
Íslenska liðið fór með 8-0 forystu inn í hálfleikinn sem var jöfnun á meti hjá U21 landsliði karla.
„Ég hugsa að ég hafi aldrei eða ekki sem ég man eftir í 11 manna bolta verið 8-0 yfir í hálfleik en það er nú bara gaman af því."
Nánar er rætt við Róbert Orra Þorkelsson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
