Svona eru 16-liða úrslitin á HM

32-liða úrslitunum á HM lauk í nótt með 1-0 sigri Kólumbíu gegn Gana.

16-liða úrslitin hefjast í kvöld kl 17 með leik Kanada og Marokkó. Kanada vann Suður-Afríku í 32-liða og Marokkó vann Holland í vítaspyrnukeppni. Paragvæ mætir síðan Frakklandi klukkan 21 í kvöld.

Paragvæ vann mjög óvæntan sigur á Þýskalandi í vítaspyrnukeppni en Frakkland vann sannfærandi sigur á Svíþjóð.

Brasilía og Noregur mætast klukkan 20 á morgun. Brasilía lagði Japan og Noregur vann Fílabeinsströndina. Mexíkó og England mætast síðan á miðnætti. Mexíkó lagði Ekvador og England vann Lýðræðislýðveldið Kongó.

Portúgal og Spánn mætast klukkan 19 á mánudaginn. Portúgal vann Króatíu í dramatískum leik en Spánn vann öruggan sigur á Austurríki. Þá mætast Bandaríkin og Belgía á miðnætti. Bandaríkin unnu Bosníu og Hersegóvínu en Belgía vann mjög dramatískan sigur á Senegal.

16-liða úrslitunum lýkur á þriðjudaginn. Argentína mætir Egyptalandi klukkan 19. Argentína vann Grænhöfðaeyjar eftir framlengingu og Egyptaland vann Ástralíu í vítaspyrnukeppni. Síðasti leikurinn er síðan Sviss gegn Kólumbíu. Sviss lagði Alsír í 32-liða úrslitum.