Juan Mata hefur skrifað undir nýjan samning við enska stórliðið og er samningsbundinn til næsta árs.

„Ég býst við því að ég þurfi að bíða eftir áttunni í ár til viðbótar..." skrifaði Fernandes við Twitter færslu Man Utd.

Það var auðvitað allt í góðu gert en Fernandes bætti síðar við að þessi samningur Mata væri vel verðskuldaður og að hann væri fyrirmynd innan sem utan vallar.

Mata hefur klæðst treyju Man Utd í mörg ár en hann kom til félagsins frá Chelsea árið 2014.

Fernandes mun líklega taka við áttunni þegar Mata fer en verður eins og hann segir að bíða. Fernandes er í dag með númerið 18.