Sjáðu háspennuna í uppbótartímanum: Ramos hetjan og boltaskynjarinn dæmdi Króata úr leik
Mynd: EPA
Skynjarinn í boltanum sýnir að Matanovic snerti boltann
Mynd: Af netinu
Mynd: EPA
Lokakaflinn í leik Portúgals og Króatíu var einn sá rosalegasti á HM til þessa, en það var Goncalo Ramos sem reyndist hetjan með frábæru skallamarki.
TENGT EFNI
HM: Portúgal áfram eftir sturlaðan lokakafla
Staðan var 1-1 þegar uppbótartíminn hófst og spennan mikil á vellinum.
Króatar höfðu verið líklegri, en það var Portúgal sem náði að höggva til baka og tryggja sér sigurinn með marki Ramos.
Rafael Leao átti konfektfyrirgjöf á fjærstöngina, erfiðan bolta fyrir varnarmenn Króata að eiga við. Ramos stökk hæst og stýrði boltanum með höfðinu í netið.
Portúgal ætlaði eftir það að halda þetta út og tryggja sér sæti í 16-liða úrslitum. Tvær og hálf mínúta var komin fram yfir uppgefinn uppbótartíma þegar Króatar settu boltann í netið.
Fyrirgjöfin kom inn á teiginn á Igor Matanovic, sem fór upp í boltann. Þaðan fór hann áfram á Mario Pasalic, sem var greinilega í rangstöðu. Pasalic kom boltanum fyrir á Josko Gvardiol, sem tæklaði hann í netið.
VAR skoðaði markið að sjálfsögðu og ákvað að dæma það ógilt. Skynjarar eru í HM-boltanum og þeir voru notaðir til að sjá hvort Matanovic hefði raunverulega snert boltann í aðdragandanum.
Virkni sást í skynjaranum og því var dæmd rangstaða, enda taldist Matanovic hafa flikkað boltanum aftur fyrir sig á Pasalic.
Ótrúlega svekkjandi fyrir Króata, því snertingin virtist nánast engin. Dómararnir verða þó að treysta því að skynjarinn virki eins og hann á að gera.
Hér fyrir neðan má sjá markið hjá Ramos og markið sem var tekið af Króatíu
Króatar höfðu verið líklegri, en það var Portúgal sem náði að höggva til baka og tryggja sér sigurinn með marki Ramos.
Rafael Leao átti konfektfyrirgjöf á fjærstöngina, erfiðan bolta fyrir varnarmenn Króata að eiga við. Ramos stökk hæst og stýrði boltanum með höfðinu í netið.
Portúgal ætlaði eftir það að halda þetta út og tryggja sér sæti í 16-liða úrslitum. Tvær og hálf mínúta var komin fram yfir uppgefinn uppbótartíma þegar Króatar settu boltann í netið.
Fyrirgjöfin kom inn á teiginn á Igor Matanovic, sem fór upp í boltann. Þaðan fór hann áfram á Mario Pasalic, sem var greinilega í rangstöðu. Pasalic kom boltanum fyrir á Josko Gvardiol, sem tæklaði hann í netið.
VAR skoðaði markið að sjálfsögðu og ákvað að dæma það ógilt. Skynjarar eru í HM-boltanum og þeir voru notaðir til að sjá hvort Matanovic hefði raunverulega snert boltann í aðdragandanum.
Virkni sást í skynjaranum og því var dæmd rangstaða, enda taldist Matanovic hafa flikkað boltanum aftur fyrir sig á Pasalic.
Ótrúlega svekkjandi fyrir Króata, því snertingin virtist nánast engin. Dómararnir verða þó að treysta því að skynjarinn virki eins og hann á að gera.
Hér fyrir neðan má sjá markið hjá Ramos og markið sem var tekið af Króatíu
Croatia disallowed goal against Portugal 90+13'
by
u/977x in
soccer
Portugal [2]-1 Croatia - Gonçalo Ramos 90+4'
by
u/977x in
soccer
Skynjarinn í boltanum sýnir að Matanovic snerti boltann
Mynd: Af netinu
