„Bara dásamlegt. Mjög gott að koma inn á völlinn og spila eftir þessa sautján daga fjarveru í sóttvkví. Við fundum það alveg að það er allt annað að spila fótbolta en að æfa sjálfur í einhverjum hlaupum og sprettum,“ sagði Katrín Ásbjörnsdóttir eftir leikin gegn FH í bikarnum í kvöld þar sem hún skoraði sigurmarkið.
Lestu um leikinn: FH 1 - 2 KR
Spurð um stórglæsilegt mark sem hún skoraði á áttugustu mínútu sagði hún: „Ég skuldaði eiginlega mark, búin að fá nokkur svona svipuð færi og búin að fá nóg af því að klúðra þeim svo ég setti hann bara vel í þetta skipti.“
Spurð um upplifun sína að þurfa að fara í sóttkví í þriðja sinn í sumar sagði hún: „Mér fannst þetta eiginlega erfiðara. Þetta var eitthvað svona sem maður bjóst alls ekki við af því að við vorum nýkomnar úr annarri sóttkvínni. Svo þetta var sjokkerandi og maður tók nokkra daga í að melta þetta en svo þýddi ekkert annað að rífa sig upp.“
Blaðamaður biðst velvirðingar á myndgæðunum hér fyrir ofan.
Athugasemdir