Hugh Jackman vill kaupa hlut í Norwich

Hann er mikill áhugamaður um enska boltann og er góður vinur Ryan Reynolds sem er annar eigenda Wrexham. Þeir hafa leikið saman í nokkrum vinsælum Hollywood bíómyndum og gætu orðið andstæðingar í ensku Championship deildinni ef kaupin ganga í gegn.

Reynolds er meirihlutaeigandi í Wrexham ásamt Rob McElhenney, sem er frægur fyrir hlutverk sitt í grínþáttunum It's Always Sunny in Philadelphia.

„Ég hef mjög, mjög mikinn áhuga á að taka þátt í enska boltanum," sagði Jackman þegar hann var spurður út í möguleg kaup á hlut í félagi á Englandi. „Flott hjá þér Ryan (Reynolds), haltu þínu striki, ég er hrifinn af kanarífuglunum."

Norwich City FC eru þekktir sem kanarífuglarnir.