Tíu ára vegferð að Bestu deildinni - „Mun alltaf sitja eftir hjá mér"

Það eru aðeins tíu ár síðan meistaraflokkur kvenna hjá Gróttu var stofnaður. Nú er liðið komið í Bestu deildina í fyrsta sinn.

Á laugardaginn síðasta tryggði Grótta sér sigur í Lengjudeildinni og tveir leikir eftir. Fyrir félag sem þurfti á sínum tíma að safna saman leikmönnum „í kringum vinkonur sem áttu vinkonur“ er árangurinn eftirtektarverður.

Leiðin hefur ekki alltaf verið bein. Grótta hefur fallið, komið aftur upp, tapað stórum leikjum þegar mikið var undir og misst lykilleikmenn. En grunnurinn hefur haldið og tíu árum eftir að verkefnið fór af stað er Grótta komið á stærsta sviðið í íslenska boltanum.