Jón Kristinn sá sjötti sem Haukar krækja í (Staðfest)

Haukar hafa gert þriggja ára samning við markvörðinn Jón Kristin Elíasson sem kemur frá Víkingi Ólafsvík.

Eyjamaðurinn jón Kristinn hefur staðið vaktina á milli stanganna í Ólafsvík undanfarin tvö tímabil. Hann æfði með Breiðabliki í haust en semur nú við Hauka.

Tímabilið 2024 lék hann sjö leiki í Lengjudeildinni með ÍBV og hafði áður spilað ellefu leiki í Bestu deidinni fyrir uppeldisfélagið.

Jón Kristinn er sjötti leikmaðurinn sem Haukar, sem unnu 2. deild í sumar, hafa fengið í sínar raðir og er Jón Kristinn annar Eyjamaðurinn því Eyþór Orri Ómarsson samdi við félagið í síðasta mánuði.

Sveinn Óli Guðnason spilaði flesta leiki í marki Hauka á tímabilinu en þeir Franz Sigurjónsson og Axel Ýmir Jóhannsson fengu einnig leiki.