Pulisic kom Chelsea yfir í leiknum en þetta var hans fyrsta mark síðan á síðasta ári. Þegar leikmenn voru að snúa til baka á völlinn eftir leikhléið sást að Pulisic virtist ekki ganga alveg heill til skógar.

Hann ræddi við Thomas Tuchel, stjóra liðsins, sem tók leikmanninn af velli en Pulisic virtist meiðast við það að taka sprett inn á völlinn eftir leikhlé.

„Christian tók sprett þegar við vorum að snúa aftur á völlinn í síðari hálfleikinn og hann fékk tak í lærið. Hann sagðist ekki geta haldið áfram," sagði Tuchel.

Mason Mount kom inn fyrir Pulisic í hálfleiknum en Chelsea tapaði leiknum 2-5 sem kom mörgum spánskt fyrir sjónir. Slæmt tap í baráttunni um Meistaradeildarsæti.