58% stiga Þórs komið gegn efstu þremur liðunum

Botnlið Þórs tekur á móti Breiðabliki síðdegis í dag á VÍS-vellinum á Akureyri.

Þrátt fyrir að stigasöfnun Þórs hafi verið dræm það sem af er tímabili hefur liðinu gengið vel gegn efstu þremur liðunum; Víkingi, Fram og KR.

Þórsarar hafa unnið Fram og Víking ásamt því að gera jafntefli við KR. Af stigunum 12 sem liðið er með hafa sjö þeirra komið gegn umræddum liðum, sem gerir um 58% hlutfall.