Slæmt gengi Óskars Hrafns í Kaplakrika

KR heimsækir Kaplakrikavöll annað kvöld og mætir FH í 17. umferð Bestu deildarinnar.

Kaplakrikinn hefur reynst Óskari Hrafni Þorvaldssyni, þjálfara KR, erfiður viðureignar en hann hefur aldrei stýrt liði til sigurs á vellinum.

Síðasti sigurleikur Óskars í Kaplakrika var fyrir 32 árum sem leikmaður KR þegar liðið vann 2-1 sigur á FH í Trópídeildinni sem þá var og hét. Logi Unnarson Jónsson og Þormóður Árni Egilsson skoruðu mörk KR-inga. Óskar fékk sjálfur gult spjald um miðbik síðari hálfleiks.

Óskar hefur verið í boðvanginum í Kaplakrika fimm sinnum. Hann hefur tapað tveimur leikjum og gert þrjú jafntefli.

Eftirminnilegt er 1-0 tapið gegn FH á Kaplakrikavelli í næstsíðustu umferð 2021, þegar Árni Vilhjálmsson skaut yfir úr vítaspyrnu undir lok leiks. Tapið kostaði Breiðablik toppsætið fyrir lokaumferðina og Víkingur endaði á að vinna Íslandsmeistaratitilinn.

Óskar hefur þó haft tak á Jóhannesi Karli Guðjónssyni, þjálfara FH, en hann hefur unnið allar fimm viðureignir sínar gegn honum.